OLAC Language Resource Catalog

Navigation Aids

OLAC Language Resource Catalog
Search for language resources
 

Main Content

Wugyin hte magwi (The ant and the elephant)
Title:
Wugyin hte magwi (The ant and the elephant)
ID:
KK1-0738
Link to the object:
Online:
Yes
Archive:
Contributor:
Keita Kurabe (compiler)
Keita Kurabe (depositor)
N. Gum Ja Naw (speaker)
Date:
2017-02-10
Description:
Moi shawng de wu gyin hte magwi a lam maumwi kadun hkai na re. Moi shawng de nam mali kaba langai mi nga ai da. Nam mali ngu hte nam maling ngu hte maling ningshawng ngu ma shi na lachyum n bung ai, nam maling ngu gaw (e ka) 2, 3 re hpe tsun ai re. Maling ningshawng ngu gaw (eka) mi ram re hpun kaba tu ai hpe maling ningshawng ngu ai re. Nam mali ngu gaw hpun hkum sum hpa, hpun kawa yawng hkum ai, mai 7, 8, 10 dam ai kaw nam ( taw yine taw net) hpe nam mali ngu re. Dai kaw magwi u-hpung kaba langai mi nga ai da. Dai nam mali ka-ang kaw gaw hpun kaba langai mi tu ai kaw namsi mung grai mu ai hpan si hpun kaba langai mi nga ai. Hpun npawt kaw gaw shani magwi u-hpung ni shani ka-ang jan hpungting madi ai hkying 12 hta wa hkring sa nna dai namsi hkrat ai ni hta sha re na hkring sa yup (main) la ai shara re da. Dai hpun ntsa de gaw wu gyin ngu (payaw sake) bawlung gaw din zawn re din din re langai mi hpun lakung langai hta noi ai da. Wugyin ni mung namsi akrawk hpai la na kasha bau nna nga ai da. Shaning na na rai wa jang dai hpun gaw hkraw wa na she lani mi aten hta hpun pawt kaw gaw magwi shabrang langai ma chyai nga wa e hpun lakung dai wugyin tsip noi ai hpun lakung gyi ye di hkrat wa na magwi shabrang a shingma kaw wa hkrat mara ai da. Wa hkrat mara yang gaw kajawng nna marawn kyek ninglang dat yu yang gaw shi a man kaw bawlung gawdin zawn re wugyin tsip hkrat ai hpe mu nna e ya chyawm rai sa, majoi nga gaw ayup agup nga ai, ndai chyawm ginsup bawlung shatai htawng na re ngu na wugyin tsip hpe htawng shapoi dat bai hta la bai htawng dat reng gaw wugyin (mitarsu) ni gaw ayai aya kabye sat ai gaw sat, htawng sat ai gaw sat re majaw wugyin mahkawn gaw nang hpe gaw dai ram hkum kaba ai n gun ja ai majaw anhte wugyin ni hpe ndai ram dang sha ai gaw nang hpe sai matai naw htang na re ngu myit hte magwi a lagaw hku gau ngwi sha hkawm lung wa na she magwi a na kata de lup shang rawng nna she grai ahkyak dik ai sai lam langai kaw kawa dat ya ai da. Dai shaloi gaw magwi shabrang gaw kade ram machyi hkam sha ai ngu gaw 120 MM gap kapaw ayai ya ai zawn nga na machyi hkam sha ai da. Dai shani kaw na gaw shat mung n kam sha, hka mung nkam lu lasi wa sai da. Kade nna yang kalang bai kawa ya ai shaloi gaw dai shaloi mung baw kaw mu achye htem bun ai zawn nga nsin chyip nga nna machyi hkam sha ai da. Dai shaloi gaw wugyin mahkawn gaw gau ngwi sha le wa, lagaw hku lanyan hkrat wa na she hpun langai kaw lung nna mani sumsai hte e magwi shabrang e nang n gun ja hkum kaba rai dum ai wa dai ni nang gara hku hkam sha ai rai. Nang hpe ngai sai matai htang na re chye sai i nga, aw nang nye mi hte pyi mada nmu ai wa ngai hpe dai hku tsun ai i ngu nna ga htan ai da. Dai shaloi gaw wugyin mahkawn gaw re sai nang dai ram naw baw ja yang ya nang na na kata de ngai di law law di bang da sai, dai ni kraw wa jang langai hpang langai nang hpe kawa zingri jang na asak sum ai kaw nang hkam sha ra na re ngu tsun dat ai shaloi magwi shabrang gaw e dai re jang ngai shut sai law, wugyin mahkawn e. Ngai hpe mara naw dat ya rit law ngu ai. E nang dai ram hpyi nem jang ngai mara dat ya na, re na ndai ngai na na de nang di di bang da ai di na ma yawng naw shaw la ya rit. Ya kawn htawm hpang prat e gaw nanhte wugyin ni hpe kabye htawng zingri na hkum tsun, namlap di sha pa naw lagaw kaw naw gayet ahpu kau na sha na nga na ga sadi jaw ai, dai re jang ga sadi gaw teng ra ai yaw nga na dai shani kaw na magwi ni namalap di sha na re jang gayet di ahpu na she sha ai da. Dai maumwi hte maren anhte shinggyin masha ni mung grau ai hpe wa rai rai nun ai hpe wa rai rai n kung nkyang nzet nkung ai hpe rai rai langai hte langai mara dat hkat ai ndai (kwint lut chin, tikan chin, naint chya chin, tanar tain mwe chin, nu nyan tain mwe chin, chit chin mit tar) ngu yawng hte anhte hkristan hpung masha shada da lai na shai na ga- law na lam ma nnga ai ngu ga lachyum re. . Language as given: Jinghpaw
Content language:
Kachin
Subject language:
Kachin
Language family:
Sino-Tibetan
Tibeto-Burman
Country:
Myanmar
Linguistic type:
Primary text
Linguistic field:
Language documentation
Text and corpus linguistics
DCMI type:
Sound
Other format:
Digitised: no Media: Audio
Other rights:
Open (subject to agreeing to PDSC access conditions)
Complete OLAC record:
Link for this page:

Find Related Information:

Archive: Pacific And Regional Archive for Digital Sources in Endangered Cultures (PARADISEC)
Online: Yes
Subject language: Kachin
Language family: Sino-Tibetan
Language family: Tibeto-Burman
Geographic region: Asia
Country: Myanmar
Linguistic type: Primary text
Linguistic field: Language documentation
Linguistic field: Text and corpus linguistics
DCMI type: Sound
Content language: Kachin
Date: 2000 and later
Date: 2010 - 2019
Contributor: Keita Kurabe
Contributor: N. Gum Ja Naw
Title: Wugyin hte magwi (The ant and the elephant)
Other format: Digitised: no Media: Audio
Other rights: Open (subject to agreeing to PDSC access conditions)