OLAC Language Resource Catalog

Navigation Aids

OLAC Language Resource Catalog
Search for language resources
 

Main Content

Nawng lut byin wa ai lam (The origin of the lake)
Title:
Nawng lut byin wa ai lam (The origin of the lake)
ID:
KK1-0818
Link to the object:
Online:
Yes
Archive:
Contributor:
Keita Kurabe (compiler)
Keita Kurabe (depositor)
C. Nu Mai (speaker)
Date:
2017-02-12
Description:
Moi shawng de da jahkai ma hte shan woi dwi nga ai da. Jahkai ma shan woi dwi nga yang she dai jahkai yan woi dwi hpe gaw dai mare kaw na mi mung grai roi sha ma ai da. Jahkai ma gaw kawoi dwi hte sha nga re yang gaw nau n lu lu n lu sha re na she grai ngat ai grai malu hkawm ai da. Dai mare kaw she jahkai ma yan woi dwi nga ai mare kaw lani mi na ten hta masha ni gaw mare masha ni gaw hka makau kaw na bareng di langai mu hta ma ai da. Dai bareng di hpe shanhte gaw hpa di re ai ma nchye ai rai tim mung hta wa na nta kaw bum hkraw kaw wa kabaw ma ai da. Aw dai garai n rai shi ai e dai jahkai ma yan nawng lut byin na mare makau kaw hka la-ing langai mi kaw bareng bareng yan nau nga ai da. Dai la-ing langai kaw sha bareng yan nau nga re she dai bareng yan nau gaw grai chyat ai ngu na she ba nang kanau wa gaw ba nan madaw shara laga tam u ngai grai chyat ai nan kaw ngu, Kanau mung bai aw kahpu mung kanau hpe nang madaw tam u grai chyat ai ngu na tsun ai da. Lani mi gaw kanau wa gaw kahpu hpe tsun ai da. E ngai tam na yaw nang na htang grai kaba ai ndai nawng hta grau kaba ai ngai tam la na ngu na she kahpu gaw sa tam yu u le nang lu tam ai nang lu galaw jang ngai htum grum hpyu re na htum grum nhpaw ai sha nga mat na ngu tsun ai da. Dai shaloi she kanau gaw e mai ai yaw ngai lu tam wa jang nang htum grum ai kaw na hkum hpaw law ngu tsun ai da. Ma naw wa gaw kahpu hpe dai hku ngu tsun kau tawn da na she shi gaw dai jahkai yan woi dwi ni nga ai mare makau kaw na hka nawng makau kaw udi langai mi bareng di langai mi sa tawn da ai da. Dai di hpe mare masha ni mu jang she mare masha ni gaw hpa di re ai nchye ai rai tim mung nta wa nna shanhte gaw bum hkrawng kaw wa kabaw ma ai da. Bum hkraw kaw wa kabawng yang she bum hkraw langai mi kabaw yang she nshang wa na she grai law wa nshang wa jang she bumhkraw langai mi kaw bai htawk bang nna bai kabaw dai mung bai chyat langai bai htawk bang dai mung bai chyak langai kaw bai htawk bang re she bumhkraw jahku du ai shaloi dai bareng di gaw shi gaw law wa ai lam Hkring mat ai da shi gaw bareng di dai gaw bumhkaw jahku du hkra lu gabaw la ai shaloi dai mare masha ni gaw dai makau grup yin na kahtawng jahku de kahtawng langai mi kaw bumhkraw langai langai langai hkan jaw nna garang sha ma ai da. Rai tim mung dai jahkai yan woi dwi nga ai mare kaw na ni gaw jahkai yan woi dwi hpe njaw sha ma ai da. Njaw sha ma re she rai tim jahkai ma gaw shi gaw grai sha mayu grai malu re nga she masha ni lahpaw kaw bang nna bang sha ai lahpaw hpe kabai tawn da ai hpe shi gaw hta la nna mata re ai shaloi she ndai bareng la wa gaw shi a adi kabaw sha ai sha ai ni yawng hpe jahpang hta la hta la na she shana yup tung ye rai yang gaw ndai ga gaw gyi hpang wa sai lut mat wa ai le kata de lut lut lut re na dai hku gyi ru mat ai langai hpang langai langai hpang langai mi bareng di garan sha da ai mare jahku gaw lut wa sai da. Lut wa hpang jahtum gaw mare yan woi dwi yan nga ai mare de du wa sai da. Jahkai yan woi dwi nga ai mare de du wa re ai shaloi gaw jahkai ma yan woi dwi gaw kajawng na she kawoi dwi gaw nau nkung nkang rai tim mung sum doi shi na kawa daw hkrawng hta hpai nna she kashu hpe ba nna hprawng ai da. Kashu hpe ba na hprawng hprawng hprawng re she shan woi dwi hprawng magan dinggai jan na lagaw lahkam ga-aw la ai hte ga wa gyi mat gyi mat gyi mat re na lut lut re sha chyut ai zawn re byin taw ai da. Dai re jang she dinggai jan mung kashu hpe ba nna she agyin lagat nna hprawng ai wa she grai hprawng tim mung shan woi dwi na hpang kaw dai hku gyi hkrai gyi gyi hkrai gyi mat jang she hpang jahtum gaw shi ndan hprawng wa sai le ndan hprawng wa na she shi lang ai daw hkrawng mung mi gaw kajawng kaja hte i kajawng kaja hte hta hpai ai wa she nhtang hku rai mat ai da. Daw hkrawng dai nhtang hku rai mat jang she hkrit na she kajawng kaja hte hprawng mat ai she hpang jahtum gaw nau ba mat jang she kashu kashu hpe mung ba da ai she kalang ta shut di jahkrat dat ai da. Jahkrat dat na she dai shi lang ai daw hkrawng sum doi hpe anyaw na she e ndai kaw na gaw hkum lai shanu law. Ngai ndang hprawng sai lu ngu na anyaw dat ai she shi kashu hpe jahkrat dat ai hte kashu ma kalang ta lut lawm mat ai da. Lut lawm mat wa jang she shi mung dinggai jan mung nau ba nna daw hkrawng wa jung da ai kaw na hkum lai shanu ngai mung ndan hprawng sai ngu anyaw da ai. Dinggai jan ba da ai kashu di hkrat bang mat wa ai hte ga gyin ma hkring mat wa ai da. Hkring mat re na she dinggai jan gaw kashu mung lawm mat wa re she dai kaw kawa sha jung taw da re dinggai dai dinggai jan jung da ai kawa dai gaw nhtang tu ai da. Dai kawa gaw dai ni du hkra ya du hkra nhtang hku nawng lut shara kaw tu ai da. Rai na she dai jahkai ma gaw hpa majaw lawm mat ai i nga jang she shi gaw shani masha ni mare masha ni sha ai dai bareng di gabaw hpe she shi gaw ngat ai re nga sa mata kau ai da. Shaloi gaw shi ma sarin gaw mying sarin gaw lawm mat wa ai da. Dai majaw shi gaw lawm mat wa ai re ai da. Dai hpang dai bareng ma naw wa ngu na wa gaw kahpu hpe wa tsun sai da. Mare jahku tim gyin shalut la kau yang gaw shi na nawng gaw grai dam mat ai da. Grai dam mat jang she ba e ngai ya ngai na shara lu sai yaw nang na htang grai kaba ai lu sai ngu yang she kahpu ba mung mi shawng ye nang ngai na ndai la-ing hta grau kaba ai nang lu galaw la yang gaw ngai htum grum kaw na nhpaw sa na ngu kalang mi tsun shut kau na she ya dai Inn-daw nawng Inn-daw nawng ngu ai dai gaw da Inn-daw nawng ngu ai dai nawng lut ai shara gaw Inn-daw nawng gyi rai sam ai oh ra gaw mi shan nau nnan ye nga ai gaw kaji ai wa ya na gaw grau kaba ai dai gaw Inn-daw gyi ra sam ai dai majaw ma naw wa gaw nan kaba de htawk mat ma gam wa gaw le kaji ai mi na shara kaw rawng nga ai da. Dang nga ma gam wa shara kaw gaw ya dai ni du hkra beda ni le beda ni grai rawng na asin re ai da. Shi gaw mi kanau hpe tsun da ai ga sadi le i ngai htum grum nhpaw na ngu tsun ai re ai majaw shi a shara kaw dai hku na hka hpum li ni beda ni grai htum grum ai da. Ma naw wa a shara gaw hka mung grai san tsawm ai da. Dai majaw dai maumwi gaw Inn-daw lay Inn-daw nawng ngu byin wa ai re ai da. . Language as given: Jinghpaw
Content language:
Kachin
Subject language:
Kachin
Language family:
Sino-Tibetan
Tibeto-Burman
Country:
Myanmar
Linguistic type:
Primary text
Linguistic field:
Language documentation
Text and corpus linguistics
DCMI type:
Sound
Other format:
Digitised: no Media: Audio
Other rights:
Open (subject to agreeing to PDSC access conditions)
Complete OLAC record:
Link for this page:

Find Related Information:

Archive: Pacific And Regional Archive for Digital Sources in Endangered Cultures (PARADISEC)
Online: Yes
Subject language: Kachin
Language family: Sino-Tibetan
Language family: Tibeto-Burman
Geographic region: Asia
Country: Myanmar
Linguistic type: Primary text
Linguistic field: Language documentation
Linguistic field: Text and corpus linguistics
DCMI type: Sound
Content language: Kachin
Date: 2000 and later
Date: 2010 - 2019
Contributor: C. Nu Mai
Contributor: Keita Kurabe
Title: Nawng lut byin wa ai lam (The origin of the lake)
Other format: Digitised: no Media: Audio
Other rights: Open (subject to agreeing to PDSC access conditions)